|
Die
Mitzi und der Pepi warn scho seit der Schul beinand.
Danach hobn’s halt gheirat, weil des tuat ma so am Land.
Und später sans nach Wean zogn, Zimmer, Kuchl, Kabinett.
Der Pepi hat viel ghackelt, des taugt der Mitzi net.
Sie
sitzt auf d’Nacht alla daham, fragt sie, wo is er nur.
Was bleibt er immer öfter aus bis fünfe in der Fruah.
"I war in der Firma, Schatzi, Überstunden, der Chef sagt i muß."
Ja, ja, des is der Gschichtldruckabluus.
Die
Kathi is in Urlaub gern nach Ibiza geflogn,
weil dortn hat sich’s abgspielt, des war echt net dalogn.
Am Strand warn viele Parties, des Nightlife a ka Schas.
Da is ma sich leicht näher kumma, a jeder find da was.
Da
Paco is ihr nachgrennt, hat ihr sehr viel erzählt.
Hat gsagt, ihm ghern drei Discos und a sunst schwimmt er im Geld.
In Echt, war er a Tellerwäscher glei’ bei Santa Cruz.
Ja, ja des is der Gschichtldruckabluus.
Der
Ferdl war a rescher Bua, der hat ka Schwächn kennt.
War immer pumperlgsund und is im Prater ummegrennt.
Im Fitness-Center hat er quasi schon a Abo ghabt.
Und mit die schenen Madln dort hat’s a immer glei’ klappt.
Auf
amol hauts eam um, er kummt auf d’ Intensivstation.
Die Anabolika san schuid an der Komplikation,
für d’ Fitneß is des laut der Pharmaindustrie a Muß.
Ja, ja des is der Gschichtldruckabluus.
In
Wahrheit is des Gschichtldrucken in uns alle drin.
A jeder liagt, wo’s eam was nutzt des hat so seinen Sinn.
Die Menschen glauben am vü, des is a oider Huat.
Und wer liagt hats leichter als wia ana der’s net tuat.
In
Politik, in Religion und a Philosophie,
den Leitn kann man viel servieren, des endet praktisch nie.
Doch irgendwann kummt’s auße und dann is mim Liagn Schluß.
Ja, ja des war der Gschichtldruckabluus.
|
